विषमुक्त (Residue Free) फूल-कोबी उत्पादन तंत्रज्ञान

✅  पिकाची फेरपालट करावी

✅  हंगामनिहाय शिफारस केलेल्या वाणांची लागवड करावी

✅  खरीप मध्ये हलक्या ते मध्यम तर रब्बी / उन्हाळी हंगामात भारी काळ्या खोल परंतु निचऱ्याच्या जमिनीत लागवड करावी

✅  योग्य वयाची रोपे पुर्नलागवडीसाठी वापरावीत

✅  रोपास लागवडीपूर्वी रोपे प्रक्रिया ( ट्रायकोडर्मा, पीएसबी, केएमबी )करावी

✅  जमिनीचे प्रकारानुसार लागवडीचे अंतर व एकरी रोपांची संख्या ठेवावी

✅  अर्ध्या ते पाऊण किलो गड्ड्यास बाजारात जास्त मागणी आहे त्यामुळे एकरी तीस हजार रोपे बसवा

✅  एकात्मिक खत व्यवस्थापन करावे

✅  शेणखत / कोंबडी खत, संयुक्त रासायनिक खते तसेच जैविक खतांचा वापर करावा

✅  बेडवर लागवड करावी,आवश्यकतेनुसार पाणी व्यवस्थापन करावे

✅  लागवडीनंतर जैविक खते व कीडनाशकांच्या (ट्रायकोडर्मा, सुडोमोनास फ्लूरोसन्स, बिव्हेरिया , मेटारायझम, पॅसिलोमायसिस) आळवण्या करा

✅  रासायनिक किडनाशकांच्या आळवण्या अजिबात करू नयेत

✅  एकात्मिक कीड व रोग व्यवस्थापन करावे

✅  प्रतिबंधात्मक उपाय योजना मध्ये जैविक कीडनाशके (लेक्यानीसिलियम, बॅसिलस, नोमुरिया, बिव्हेरिया) व लिंबोळी अर्काची फवारणी घ्या

✅  नियमित पिकांची निरीक्षणे घेऊन आवश्यकतेनुसार रासायनिक किडनाशकांची फवारण्या घ्याव्यात

✅  उत्पादन खर्च कमी करण्यासाठी पिक लागवडीच्या प्रत्येक टप्प्यावर विचार करावा