विषमुक्त (Residue Free) कोथिंबीर लागवड तंत्रज्ञान

✅  बाजारभावाचा अंदाज घेऊन टप्प्याटप्प्याने लागवड करावी

✅  पावसाळ्यात हलक्या ते मध्यम जमिनीत तर रब्बी व उन्हाळी हंगामात भारी जमिनीमध्ये लागवड करावी

✅  पेरणीपूर्वी बियाणास बिजप्रक्रिया (ट्रायकोडर्मा पीएसबी, केएमबी) करावी

✅  आपल्या परिसरात ग्राहकास पसंती असलेल्या वाणाची लागवड करावी

✅  लागवडीसाठी स्थानिक व तसेच सुधारित वाण बाजारात उपलब्ध आहेत

✅  स्थानिक मध्ये वाई, बदामी, इंदोरी,आंध्रा, जळगाव, जावरा, धना तर सुधारित मध्ये सुरभी, सोनम, नूतन व अशोको 5 या वाणाचे बियाणे बाजारात उपलब्ध आहे

✅  कोथिंबीर लागवड ही पेरणी करून करावी, फोकून नव्हे

✅  पिकाची पेरणी रुंद वरंबा सरी म्हणजेच बेडवर करावी

✅  उत्कृष्टपणे तणनियंत्रण करण्यासाठी पेरणी केल्याबरोबर गोल या तणनाशकाची फवारणी करावी

✅  स्प्रिंकलर किंवा रेन पाईपने पाणी व्यवस्थापन करावे

✅  ट्रायकोडर्मा, सुडोमोनास फ्लूरोसन्स, पॅसिलो, मेटारायझम या जैविक खतांचा व कीडनाशकांची पावडर 1 किलो प्रति एकर पाण्याच्या पुढे जमिनीवर विस्कटून द्यावी

✅  19:19:19 ची फवारणी दर 8-10 दिवसांनी करावी

✅  एकात्मिक कीड व रोग नियंत्रणासाठी जैविक कीडनाशकाची (लेक्यानीसिलियम, बिव्हेरिया, नोमुरिया, बॅसिलस सबटीलीस, लॅक्टोबॅसिलस ) यांची फवारणी करावी

✅  5% निंबोळी अर्काची दर 10 दिवसांनी फवारणी करावी

✅  विषमुक्त पालेभाज्या उत्पादनासाठी शिफारस असलेली किडनाशके, शिफारस केलेल्या मात्रेतच फवारावीत