उच्च उत्पादनासाठी कमी खर्चातील ब्रोकोली लागवड पद्धत

✅  हे एक परदेशी पालेभाजी पिक असून याचा वापर मुख्यत्वे सॅलड, मिक्स व्हेज, ज्यूस, पराठे, इत्यादी मध्ये मध्ये केला जातो

✅  लागवडपूर्वी पिक विक्रीबाबतची संपूर्ण माहिती घ्या

✅  नियमितपणे अर्धा एकर ते एक एकर क्षेत्रावर लागवड करावी जेणेकरून मागणीप्रमाणे पुरवठा करणे शक्य होईल

✅  रोपे वाढीसाठी 20 अंश सेल्सिअस ते 25 अंश सेल्सिअस तापमान व गड्डा तयार होण्यासाठी 15 - 20 अंश सेल्सिअस तापमान या पिकास मानवते

✅  पावसाळ्यात हलक्या ते मध्यम रेती मिश्रित पोयट्याची परंतु उत्तम निचऱ्याच्या जमिन व रब्बी आणि अर्ली उन्हाळी साठी मध्यम ते भारी जमीन लागवडीसाठी निवडावी

✅  जास्त पावसापासून पिक वाचवण्यासाठी रुंद वरंबा सरी पद्धतीवर पिकाची पेरणी करावी

✅  पेरणीसाठी बाजारात मागणी असणाऱ्या संकरित वाणाचा वापर करावा

✅  संकरित वाणांमध्ये सकाटाची : साकी, ग्रीन मॅजिक, सिंजेंटाची : बेस्टी, मोनोपोली, नामधारीची : 1250, क्लाउची: फॅन्टॅसी, बेजो सीड ची लकी इत्यादी वाण लागवडीसाठी बाजारात उपलब्ध आहेत

✅  लागवडीचे वेळी रोपाचे वय 20 ते 25 दिवसाचे असावे व त्यास 5 ते 6 निरोगी पाने असावीत आणी रोपांची उंची 12 ते 15 सेंटीमीटर असावी

✅  सरासरी एकरी 25,000 ते 30,000 रोपे लावली जातात

✅  लागवडीपूर्वी रोपास प्रक्रिया (ट्रायकोडर्मा पीएसबी, केएमबी) करावी

✅  एकात्मिक अन्नद्रव्य व्यवस्थापन करावे ज्यामध्ये शेणखत, दाणेदार खत,लिंबोळी पेंड, सिंगल सुपर फॉस्फेट,सूक्ष्मलद्रव्य ग्रेड एक किंवा चिलटेड मॉलिब्डेनम व बोरॉन यांचा वापर करावा

✅  उत्कृष्टपणे तण नियंत्रणासाठी पेरणी झाल्यावर लगेच पेंडिमिथिलिन या रासायनिक तणनाशकाची फवारणी करावी

✅  उगवणपश्चात तणनाशक अदामा अजिल किंवा टरगा सुपर यांचा पिक 20 ते 21 दिवसाच्या असताना करता येतो

✅  ठिबक, स्प्रिंकलर किंवा रेन पाईपने पाणी व्यवस्थापन करावे

✅  ट्रायकोडर्मा सुडोमोनास फ्लूरोसन्स, पॅसिलो, मेटारायझम या जैविक खतांचा व किडनाशकांची पावडर 1 किलो/ लिटर प्रति एकर ठिबक मधून किंवा पाण्याच्या पुढे जमिनीवर विस्कटून द्यावी

✅  पिक वाढीच्या अवस्थेनुसार पाण्यात विरघळणाऱ्या खताची फवारणी दर 8-10 दिवसांनी करावी

✅  एकात्मिक किड व रोग नियंत्रणासाठी जैविक किडनाशकाची (लेक्यानीसिलियम , बिव्हेरिया, नोमुरिया, बॅसिलस सबटीलीस, लॅक्टोबॅसिलस ) यांची फवारणी करावी

✅  5% निंबोळी अर्काची दर 10 दिवसांनी फवारणी करावी

✅  विषमुक्त पालेभाज्या उत्पादनासाठी शिफारस असलेली किडनाशके, शिफारस केलेल्या मात्रेतच फवारावीत