ज्ञानाच्या शेतीच्या माध्यमातून आपण विविध कृषी संशोधन संस्था व प्रगतशील शेतकरी यांनी विकसित केलेले पिकांचे उच्च तंत्रज्ञान शेतकऱ्यांना उपलब्ध करून देण्यात येत आहे. मशागतीवरील खर्च कमी करणे , किड व रोग नियंत्रणासाठी जैविक कीडनाशकांचा वापर करणे, लेबल क्लेम नुसार रसायनांचा वापर करणे , अनावश्यक रसायानांचा वापर कमी करणे , जमिनीचे आरोग्य सुधारणे आणि शाश्वत आणि निरंतरपणे कृषी उत्पादन घेणे या विषयावर काम केले जात आहे.

ज्ञानाच्या शेतीच्या माध्यमातून ज्ञान व कौशल्य आधारित शेती चे प्रारूप (Model) विकसित केले आहेत . या मॉडेलचा वापर शेतकऱ्यांनी केल्यास उत्पादन खर्च कमी करणे, उत्पादनात वाढ करणे, शेती किफायतशीर करणे तसेच विषमुक्त (Residue Free) आरोग्यदायी अन्न तयार करणे ही उद्दिष्ट्ये साध्य होतील.